MK2-风 之谷

山寨 iPad

早兩日有朋友轉述以下這側消息，文章指有山寨 iPad 只需 $500人民幣就可以買到，

上面的設計圖片，由於我手上沒有人民幣，所以只能用港幣作為設計圖，請見諒。

 $500人民幣匯價換算後約為 $570港幣上下。

這個網站還有實圖提供，所謂山寨 iPad就是如圖的 7" 屏幕了。

原文可去官方網站參觀。

http://www.shanzhaiben.com/20/n-4420.html

動新聞也介紹

後來我在動新聞也可以得知山寨版這側消息，動新聞記者也提到，

在深圳可以用$700買到，詳情可看以下網址得到重溫。

Click 我進入動新聞重溫

這日經過深圳賽格廣場 ，我只懂得去這個賣電腦的地方找 ，不過我相信一定還有其他更集中的地點，只是我不懂得門路吧，

何況只是順道，於是入去走一轉看看是否同樣可以見到實物先。

找了幾層都無所獲，正想放棄之際，在某一家隱閉不當眼店鋪，終於找到了。

但居然有兩架不同款式，國內產品真係一山還有一山高，我所指係 ( 山寨的山 )，由頭到尾不是得一部的嗎?

何解居然會有兩款山寨版在我眼前出現的呢，咁...........究竟有幾多部架山寨版架?

眼前的這兩部樣子不一，售價也不一，在國內有一個我好討厭的買賣方式，就是不標價，價錢任他說，視乎我在他眼中有幾傻仔。

圖中上面的一部開價 $1200，下面的一部開價 $950。

哈!!!一部 $500的機，居然可以開價咁名貴?可想而知，我的樣子在他們眼中有幾傻仔了吧  ^_^ 。

圖中位於下面的一部，與網站和動新聞報導的有九成似。

由於我無時間和耐性再找其他店鋪，只有試用以下眼前這兩部吧。

老闆說上面的一部速度高一點，不但可對應 Wi-Fi，而且可外接 3G，下面的一部不對應 3G，只能對應 Wi-Fi。

兩部機的 OS 都是屬於 Android，而且同屬 7" touch screen，解像度也一樣是 800×480機種。

上網速度

那我就試貴的一部吧，由於老闆沒有3G卡在手，所以只用Wi-Fi上網，而Wi-Fi是來自他店鋪路由器所提供。

老闆透過我的粵語口音，知道我來自香港，所以他在山塞版的網址上輸入 tom.com給我試，

但.............何解我來自香港，就會給我試 tom.com呢 ？ 真係百思不得其解。

算吧!!!不深究了!!!!!嘩~~~~~速度慢到佢呢~~~

開 tom.com都慢到咁，開我們的主頁咪死得!!!於是我問佢點解咁慢。

根據他個人解釋，他說不關這機事，只是現在的網線，是這座大廈用戶一起分擔，加上他店鋪內正有三部機同時使用中，所以慢一點，

他說有試過在正常網速下使用，速度很高.............爸啦~爸啦~~ （ 下刪五千字 ）

睇相速度

可能你會相信他吧，但我個人比較衰，我一句也聽不入耳。

後來我把要求降到把這部機作為電子相架用途，由於這機只有 Mico SD 插卡口和 USB 插卡口，而我身上只有 Sony MS記憶卡，

我用自己帶去的外置讀卡器，意圖透過讀卡器，利用山寨機去讀取Sony MS記憶卡內的圖片，但........

無錯。但...........

佢居然係認唔到我的外置讀卡器，認都認唔到，何況幻想用傾倒方式，把圖片傾倒到山寨版硬碟內一張一張去看原相?

老闆說，平日用跟機來的 Mico SD讀相，一向沒問題，於是堅持叫我給他讀卡器，

把讀卡器 Sony MS記憶卡的圖片，先經他電腦做中轉站，再轉落 Mico SD卡內，然後在山寨版讀呢張 Mico SD 卡內我的圖片。

嘩~~~佢係咪傻架，你日後會咁轉接來睇相的嗎?

 好~~你咁喜歡做實驗，又比你試下囉。

用咁笨絕的方法，終於可以在山寨機內，見到我的相片了，但睇相速度慢到佢呢~~~~~

RMVB

老闆在試機其間，一次又一次說要試播片，但我就無興趣用呢部機來睇片，由於他再三堅持播，

於是就順他意，播放了由他所提供的 RMVB 阿凡達，他說平時的機一般只能播 MP4，但呢部可播 RMVB，

且!!!! 係播到 RMVB啊，So What !!!!!

得喇得喇，唔好再玩落去喇，浪廢了我好多時間，最後我扮買，講到牙血都出埋，下面的機 $850，上面的機 $950，

我自問真係搵唔到網站上的 $500 或動新聞所提到的 $700機了，如果你找到的話，恭喜你囉。

脫身

攪咁耐又唔買，點脫身呢?

我用未知買邊部為理由，希望拍下圖片返屋企想清楚，

得到老闆同意下，容許我為兩部機拍照，所以可和大家分享呢兩部機的樣子。

個人評價

對我來講，呢類垃圾根本唔會有人買，莫講要同真 iPad比較，就算係他自己講的功能，其基本能力都達唔到，

唔好講 $500 ，就算 $50我都唔會買。

我覺得 apple公司連告佢都廢事，呢D山寨機，自己好快都會死。

何況呢D公司，連廠房地址都無，想搵佢都好難囉。

提提你，以上只係我個人亂試的不知名機款，可能傳說中 $500那部真身，真係強過 apple iPad呢，只不過我低能搵唔到咁解，

所以千萬唔好信我今次的評語，否則你可能錯過一部 $500 人民幣，但強過 apple iPad機，而後侮一生。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。